Aatmao Ki Kahani

Aatmao Ki Kahani



Hello, 
Aaj ham do Aatmao Ki Kahani likh rahe hai. Ham umeed karte hai ki ye Bhooto Ki Kahani aapko bahut achi lgegi.
Have Fun!


Room No. 223 (College Horror Story)
Aatmao Ki Kahani

Aatmao Ki Kahani
Aatmao Ki Kahani



Ye baat ek saal puraani hai. Aaj hostel ki cantene me baithe hue mujhe vo bhyaanak raat fir yaad aa gayi is baahar ho rhi baarish ki wajah se. Us raat bhi bahut tez baarish ho rahi thi. jab vo khaufnaak ghtna ghati.


Mujhe lagbhag ek saal ho gaya tha hostel me rehte hue apni nursing ki pdhaai ke liye.


Mera room number 230 tha. Jo ki hostel ke third-floor par tha. Jise main Rashmi ke sath share karti thi. Har room me do kamre the, Do alag beds ke sath. 

Hmare hi floor pe ek aur room tha. Room no. 223. Jisse aate jaate maine is ek saal ke andar kisi ko nahi dekha tha. Ek raat sote time maine Rashmi se pucha:- 


Main:- Rashmi, Is room no. 223 me kon rehta hai? Kbhi koi dikhta hi nahi.

Rashmi:- Room no. 223? Are, Tujhe nhi pata kya us room ke baare me?

Main:- Kya nahi pata? 

Rashmi:- Waise pata to mujhe bhi nahi hai but meri cousin sister jo ki final year me hai, vo bata rahi thi ki hmaara floor haunted floor ke naam se jaana jaata hai is hostel me. 

Main:- Haunted hai, Magar Kyu?

Rashmi:- Haa, Kehte hai ki do ladkiyo ne us room me suicide kar li thi. Iske baad se jab bhi koi tudent waha aa kar raha vo yhi kehte the ki vha unhe abhi bhi vo ldkiya dikhaayi deti hai. tab se ye room kisi ko allot nahi hota hai.

Main:- To tune mujhe ye baat kabhi btaayi kyo nahi?

Rashmi:- Mujhe lga tujhe ye baat pta hogi. Lekin tu dar mat bas us room se thoda dur rahio.



Maine us raat Rashmi ko ye baat nahi btayi ki mujhe in sab baato pe koi vishwaas nahi hai.



Aatmao Ki Kahani
Aatmao Ki Kahani


Ab us room ki sachai jaane mujhe teen mahine ho gaye the. Magar abhi tak aesa kuch nahi hua tha jisse Rashmi ki baat sach lage isliye us kahani ko maine hostel ka ek rumor maan liya. 


Ek raat bahut tez baarish ho rahi thi jisse meri neend tut gayi. 

Main:- Ye shor kaisa? Baarish ho rahi hai? Time Kya hua hai?


Raat ke 2:30 baj rahe the jab meri neend tuti. Maine dobara sone ki koshish ki magar so nahi payi. To maine socha shayad thodi der room me tehelne ke baad neend aa jaye. 


Main khadi ho kar room me tehelne lagi. Magar tabhi dusre room se Rashmi ki awaaz aayi:- 


Rashmi:- Are yaar Aarti. Kya kar rahi hai itni raat ko? Soja. Teri wajah se main bhi nahi so paa rahi hu. 

Main:- Sorry main bahar jaa kar round laga leti hu.


Itna keh kar main room se bahar aa gayi aur coridor me chakkar lgaane lagi. Jab main room no. 223 ki direction me chalne lagi to mujhe vha se kisi ki hasne ki awaaze aayi aur jaise-jaise main us room ke paas pahuch rahi thi vo hasne ki awaaz aur tez hoti jaa rahi thi. 


Jab main us room ke paas pahuchi to maine dekha us room ka darwaaza thoda sa khula hua tha. Ye dekh ke mujhe bahut khushi hui. Maine apne-aap se kaha:- 


Main:- Chalo acha hai, yha koi rehne to aaya. Ab ye haunted floor ke rumors to band honge.



Aatmao Ki Kahani
Aatmao Ki Kahani


Ye keh kar main room ke paas gayi. Magar room me light bahut kam thi to main andar dekh nahi payi. Maine unse milne ka faisla kiya aur ye soch kar darwaaze par knock kiya. 


Mere knock karte hi vo hasne ki awaaze band ho gayi. Magar andar se kisi ne jwaab nahi diya isiliye maine dobara knock kiya. To andar se awaaz aayi 

Awaaz:- Andar aa jao. 



Ye kisi ladki ki awaaz thi. Ye sun main andar aa gayi magar pehle room me koi nahi tha aur vha ki lights bhi band thi. Magar dusre room ki lights on thi aur vha se kisi ne mujhe awaaz di.:-


Awaaz:- Ham yha hai.

Main:- Oh! Okay.


Jab main dusre room me gayi to maine dekha ki do ladkiya bed pe baithi hui thi apne white night-gown me. Maine bola:- 

Main:- hello, Main Aarti hu. Aapka kya naam hai?

Pehli:- Anjali.

Dusri:- Priya.

Main:- Aap log yha rehne kab aaye?


Is swaal ke jwaab me unhone mujhe koi reply nahi diya. Bas meri aur dekhti rahi aur kuch der baad priya ne mujhse kaha:-

Priya:- Ham ek game khel rahi hai. Kya tum bhi khelogi?


Ye baat sunkar mujhe thoda ajeeb laga magar is baat pe zyada dhyaan naa dete hue main khelne ke liye tyyar ho gayi. 

Main:- Game? Haa zaroor. Kyo nahi.

Priya:- Thik hai. Us table par se ek pen aur paper utha lo. 



Unke bed ke saamne hi ek table tha aur table ke upar ek mirror. Main table ki aur bdhi aur us table par se ek pen aur paper utha liya.



Aatmao Ki Kahani
Aatmao Ki Kahani


Bas ek pal ke liye maine mudte waqt mirror pe nazar daali aur jo maine mirror me dekha use dekh kar mere hosh hi ud gaye. Main bahut zyada dar gayi thi. 


Us mirror me ek ladki ki laash dikh rahi thi jo ki pnkhe se latki hui thi. Uska muh diwaar ki taraf tha aur vo laash dheere-dheere meri taraf mud rahi thi. Main chilaana chahti thi par chilla nahi paa rahi thi.


Bas us mirror me dekhti rahi aur jab maine us laash ka chehra dekha to vo laash meri taraf badhne lagi.


Uske baad mujhe kuch yaad nahi. Mere sath vha kya hua? Kyoki jab agli baar maine apni aankhe kholi to main hospital me thi aur main rashmi se puchne lagi:-


Main:- Rashmi, Ye main kaha hu? 

Rashmi:- Hospital me.

Main:- Hospital me? Magar kyu?


Teachers aur security guards laaye tumhe yha par. Kal raat ko maine tumhaari awaaz suni thi chillane ki to maine security alarm on kar diya tha. Tum hame room no. 223 me mili thi. Tumhare sar se khoon aa raha tha. 


Rashmi ne us din mujhse pucha ki aakhir us room me kya hua tha lekin pata nahi kyu maine ye baat use nahi btaayi aur aaj tak maine ye baat apne tak hi rkhi hui hai.


Image



Dosto, Aapko ye Aatmao Ki Kahani kaisi lagi? Hme comments karke zroor btana. Is kahani ko share bhi karna.
Thank You 😊

Also Read:- Panchatantra Kahani In Hindi PDF.

Post a Comment

Please do not enter any spam link in the comment box.